TYCHO Bracheus

TYCHO Bracheus

excellentissimus Mathematicus, illustri in Dania genere natus. Hunc Patruus Georgius magna cum cura educatum Praeceptoribus egregiis commisit, qui Lipsiam dein mislus, ut Iuri operam daret, insciis Magistris, Astronomicas observationes, in id animô naturâ proclivi, condidit. Dein in Italiam Germaniamque itinere factô, ab Imperatore et Principibus variis, invitatus, praetulit Basileam, Helvetiae clarissimam urbem, quo redire omnino constituit. Sed insulâ Huenâ donatus a Friderico II. Daniae Rege arcem Uranoburgum ibi exstruxit, ut Astronomicae scientiae, et admirandis instrumentis suis conficiendis ibi vacaret. Interim novum excogitavit Systema, Copernicanum aliquantum immutando: Restauratoris Astronomiae elogium meritus. Post Friderici II. mortem, a Rodolpho II. invitatus Pragam pervenit, ibique obiit, A. C. 1601. aerat. 55. Scripsit Progymnasmata Astronomiae Instauratae, de Mundi aetherei tecentioribus Phaenomenis, Epistolas Astronomicas, etc. Thuan. Hist. l. 126. Gassend. in eius vita. Voss. de Scient. Mathem. c. 31. §. 4. c. 36. §. 26. c. 65. §. 45. Iac. Phil. Thomasinus, in Elog. Illustr. Vir. et supra, voce Braheus.